هيونداي توسان 2022 وارد كوريا فئة Inspiration للبيع

عربيتي هيونداي توسان NX4 موديل 2022 وارد كوريا، فئة Inspiration وهي من أعلى الفئات الكوري. الموتور 1.6 تيربو بنزين، فتيس أوتوماتيك، وجر أمامي 2WD. العداد حوالي 68,500 كم والرخصة سارية للسنة الجاية. العربية حجمها أكبر من التوسان المصري من جوه وفي الشنطة، ومجهزة بأنظمة قيادة متقدمة بتسوق نفسها على الطريق السريع.

الكماليات: فتحة سقف، فوانيس LED، شنطة كهرباء، مرايات ضم، جنوط ألومنيوم، روف راك، فرش جلد، كراسي كهرباء للسائق والراكب بذاكرة وتبريد وتدفئة، وتدفئة للكراسي الخلفية والدركسيون. فيها تكييف أوتوماتيك، شاشة بملاحة، كاميرا خلفية وحساسات أمامية وخلفية، مفتاح ذكي، وفرامل يد كهرباء EPB. وبالنسبة للأمان فيها Adaptive Cruise Control، تحذير الخروج من الحارة والنقطة العمياء، وأنظمة ABS / ESC / TCS / TPMS، وAirbags أمامية وجانبية وستائر.

إضافات تانية: داش كام أمامي وخلفي بيسجل على ميموري، كاوتش Michelin فرنسي جديد، استبن كامل وارد كوريا، وموجود معظم قطع الغيار المهمة لصيانة الـ 200 ألف كم (ممكن نتفق على سعرها).

بالنسبة للفحص: يوجد دهان في الجانب اليمين (باب أمامي يمين + باب خلفي يمين + رفرف خلفي يمين) ودهان بدواخل الباب الخلفي يمين، وفي بعض الملاحظات البسيطة في العفشة الأمامية والزجاج الأمامي. الميكانيكا والفتيس والتربو والتكييف والكهرباء بحالة طبيعية ومفيش أي لمبات تحذير والعداد منطقي.