هيونداي إلنترا HD 2009 أوتوماتيك للبيع

عربيتي هيونداي إلنترا HD موديل 2009 أوتوماتيك كوري، راشة بره ماعدا السقف. العربية ماشية إجمالي 450 ألف كيلو، بس أنا مغير شورت بلوك عند 380 ألف كيلو، يعني المكنة الجديدة ماشية حوالي 69 ألف كيلو ومثبتة على الرخصة، والعداد سايبه زي ما هو بدون تلاعب. الرخصة سارية لغاية 17 مارس 2027. المكنة والفتيس والميكانيكا والعفشة والبطارية ممتازين لسه عاملهم صيانة. مركب جنوط سبور 16 وكاوتش بريدج ستون جديد من شهر من فيت آند فيكس بضمان سنة بالفاتورة وعامل ترصيص وزوايا 3D وكل الأوراق موجودة. الكماليات: شاشة أندرويد، كاميرا خلفية، طارة مالتي، سينسور بارك، وحدة رفع، فرش جلد، وأكصدام بفوانيس شبورة. للأمانة والعلم، العربية كان فيها ترييحة من قدام ومن ورا واتعملت والعربية تمام جداً، ومحتاجة بس صيانة تكييف، ومراجعة أسلاك الشاشة والكاميرا والسينسور، وتغيير وش للفانوس الخلفي، وكل ده مراعيه في السعر. المعاينة في المنيب، الجيزة.