بريليانس BSV 2011 مانيوال للبيع

عربيتي بريليانس BSV موديل 2011 مانيوال، مرور القاهرة الجديدة (آخر العام). العربية متعدلة ومجهزة كويس جداً: شاشة جديدة بـ 7 آلاف، طقم جنوط جديد بالفاتورة بـ 16 ألف والقدام موجودين، و3 أطقم ليد (شابورة وعالي وواطى) بـ 10 آلاف.
تعديل الفرامل الخلفي جولف سكاكين بدل القباقيب بتكلفة 9 آلاف، والعفشة اسكودا بالكامل مع مساعدين أماميين جولد جداد وفى واحد سليم معايا، والطنابير الأمامي برضه اسكودا والقديمة موجودة.
فيها حساس ركن خلفي وكاميرا وريموت سنتر وإنذار ووحدة رفع زجاج. الفرش جلد بالكامل (كراسي وأرضية وشنطة) والطارة هاند ميد.
الصيانات كلها في مواعيدها، لسه مغير بوجيهات وفلاتر وسير مجموعة.
بالنسبة للدهان: رشة سقف وكبوت وشنطة على اللحم.
الملاحظات: ماكينة البور فيها ترشيح بسيط بزود ربع لتر كل شهر، والشنطة فيها تريحة وهوا من عند النمر، وكان فيها برومة عند العتب واتعالجت من سنة.
المعاينة في التجمع الخامس.