فيات بونتو 2011 مانيوال مستوردة للبيع

عربيتي الفيات بونتو كلاسيك موديل 2011 هاتشباك، أنا المالك الأول ليها من الزيرو. الرخصة مجددة لحد مايو 2026 وفحص العربية ساري لحد 2029. العربية مجهزة بريموت سنترلوك وجهاز رفع للزجاج الأمامي، وكاسيت مع 4 سماعات، والكاوتش الاستبن الأصلي ماركة كونتيننتال موجود بحالته مع العدة والكتالوج.

أنا مهتم جداً بالصيانات الدورية، ومؤخراً غيرت العفشة الأمامية والخلفية، وركبت عجلتين أمامي هانكوك، وغيرت قواعد الموتور والريداتير مع مياه حمراء، وكمان غيرت فلتر التكييف والتكييف شغال ممتاز، وغيرت طقم السيور وسير الكاتينة.

بالنسبة للحالة، العربية محتاجة وش نظافة وتغيير إكصدام أمامي وفانوس خلفي، وفرش الصالون الخارجي محتاج يتغير لو حابب، وفيه بعض الخبطات تم ردها على البارد. العربية مانيوال وبنزين وعدادها 270 ألف كم.