كيا سيراتو 2014 خليجي أوتوماتيك للبيع

عربيتي كيا سيراتو 2014 خليجي فئة تانية، العربية رشة بره بالكامل ماعدا السقف بسبب خبطات موتسيكلات وتكاتك، لكن الدواخل كلها فبريكا. الرخصة سنة والبيع بعقد مسجل. العداد على 170 ألف، وكنت مركب شورت بلوك بسبب كوعة مياه ومسجله في الرخصة. غيرت القنطرة لأن اللي كانت موجودة كان فيها لحام، وعملت كسوة جلد جاهزة خفيفة. بالنسبة للتابلوه غيرت فريم الكاست وفريم الساعة، بس فريم الهواية مش موجود. مراية السواق متغيرة، والاكصدام الخلفي متغير من فترة كبيرة ومتلحم. التكييف متعدل وتغيرت الثلاجة والسربنتينة، بس الكباس ضعف ومحتاج تغيير. زيت الفتيس اتغير 3 مرات والفلتر مرتين. التواصل واتساب، والمكان في الشيخ زايد.